સોનમ અને રાજા રઘુવંશીનો મામલો દેશભરમાં ચર્ચામાં છે. આ દરમિયાન ઇન્દોર પોલીસે ખુલાસો કર્યો છે કે સોનમ રાજા રઘુવંશી હત્યા કેસની માસ્ટરમાઇન્ડ છે. હત્યા સમયે સોનમ આરોપીઓ સાથે હાજર હતી. ઇન્દોર ક્રાઇમ બ્રાન્ચના એસીપી પૂનમ ચંદ યાદવે જણાવ્યું હતું કે ચારેય આરોપીઓએ ઇન્દોરમાં ગુનો કબૂલી લીધો છે.
રાજા પર હુમલો કરનારો સૌપ્રથમ વિશાલ હતો.
આ કેસમાં એવું બહાર આવ્યું કે રાજા પર પહેલો હુમલો વિશાલે કર્યો હતો અને પછી મૃતદેહને ખાડામાં ફેંકી દેવામાં આવ્યો હતો. આ હથિયાર સ્થાનિક રીતે ખરીદવામાં આવ્યું હતું. રાજે આ ઘટનાની યોજના પહેલેથી જ બનાવી રાખી હતી અને તેણે આ ત્રણ આરોપીઓને તૈયાર કર્યા હતા.
રાજે આ ત્રણેય આરોપીઓને 40 થી 50 હજાર રૂપિયા આપીને શિલોંગ મોકલ્યા હતા. રાજા અને સોનમના જવાના ત્રણ દિવસ પહેલા આરોપી ટ્રેન દ્વારા ઇન્દોરથી શિલોંગ જવા રવાના થયો હતો. આ આરોપીઓ સોનમના સતત સંપર્કમાં હતા અને સોનમ અને રાજા ક્યાં જઈ રહ્યા છે અને શું કરી રહ્યા છે તેની માહિતી રાખતા હતા. દરેક વસ્તુ પર નજર રાખવામાં આવી રહી હતી. તક મળતાં જ હત્યા કરવામાં આવી.
