જેની ઘણા લાંબા સમયથી રાહ જોવામાં આવતી હતી તે 8મા પગાર પંચ (8th Pay Commission)ની ભલામણોના અમલીકરણની તારીખ આખરે જાહેર થઈ ગઈ છે.
કેન્દ્ર સરકારે (Center Government) 16મી જાન્યુઆરી,2025ના રોજ પગાર પંચની રચના અંગે મંજૂરી આપી દીધી છે. હવે આ 8માં પગાર પંચની ભલામણો 1લી જાન્યુઆરી, 2026થી અમલમાં આવશે. આશરે 50 લાખ કેન્દ્રીય કર્મચારી અને 65 લાખ પેન્શનર્સ (Pensioners)ને 8માં પગાર પંચથી મોટો આર્થિક લાભ થશે.
સરકારી નોકરીની સૌથી મોટી વિશેષ બાબત સારા પગાર અને નોકરીમાં સુરક્ષા છે. હવે જ્યારે 8મું પગાર પંચ લાગુ થશે ત્યારે સરકારી કર્મચારીઓના પગારમાં મોટો ઉછાળો આવશે.
ઈકોનોમિક ટાઈમ્સના એક અહેવાલ પ્રમાણે પટાવાળાનો બેઝીક પગાર રૂપિયા 18,000 થી વધીને રૂપિયા 51,480 થઈ શકે છે, જ્યારે વરિષ્ઠ અધિકારીઓનો બેઝીક પગાર રૂપિયા 2.5 લાખથી વધીને રૂપિયા 7.15 લાખ થવાની ધારણા છે. જોકે વેતન પંચ દ્વારા કરવામાં આવતી ભલામણો તથા વિવિધ જોગવાઈ પર તેનો આધાર રહેલો છે.
પેન્શનમાં પણ વધારો થશે(Pension Increase)
એવી જ રીતે લઘુત્તમ પેન્શન રૂપિયા 9000થી વધીને રૂપિયા 25,740 થઈ શકે છે. 8માં પગાર પંચથી એટલા મોટા આર્થિક ફાયદા મળશે કે લોકો એમ કહેવાનું બંધ કરી શકે કે ખાનગી નોકરીઓમાં જ વધારે પગાર મળે છે.
ની ભલામણોના અમલીકરણની તારીખ આખરે જાહેર થઈ ગઈ છે.){kind=link}