ઇઝરાયલ ઇરાનમાં લશ્કરી કાર્યવાહી શરૂ કરવાની સંપૂર્ણ તૈયારી કરી રહ્યું છે. આ દાવો સીબીએસ ન્યૂઝના અહેવાલમાં કરવામાં આવ્યો છે. આને ધ્યાનમાં રાખીને અમેરિકાએ તેના નાગરિકોને ઇરાક છોડવાની સલાહ આપી, કારણ કે અમેરિકાને ડર છે કે જો આવું થશે તો ઈરાન પડોશી ઇરાકમાં કેટલાક અમેરિકન ઠેકાણાઓ પર બદલો લઈ શકે છે.
સીબીએસના અહેવાલ મુજબ, વધતા તણાવને કારણે યુએસ સ્ટેટ ડિપાર્ટમેન્ટે બિન-કટોકટી સરકારી અધિકારીઓને ઇરાક છોડવાનો આદેશ આપ્યો છે.
વિટકોફ પરમાણુ વાટાઘાટો માટે ઈરાનની મુલાકાત લેવાની યોજના ધરાવે છે
દરમિયાન, યુએસ રાષ્ટ્રપતિ ડોનાલ્ડ ટ્રમ્પના મધ્ય પૂર્વના રાજદૂત સ્ટીવ વિટકોફ આગામી દિવસોમાં ઈરાન સાથે તેના પરમાણુ કાર્યક્રમ પર છઠ્ઠા રાઉન્ડની વાટાઘાટો માટે ઈરાનની મુલાકાત લેવાની યોજના બનાવી રહ્યા છે.
મધ્ય પૂર્વના કેટલાક દેશોમાંથી અમેરિકી લશ્કરી કર્મચારીઓને પાછા ખેંચી લેવામાં આવી રહ્યા છે: ટ્રમ્પ
ગુરુવારે (સ્થાનિક સમય) કેનેડી સેન્ટર ખાતે લેસ મિઝરેબલ્સના પ્રદર્શનમાં હાજરી આપતી વખતે રાષ્ટ્રપતિ ટ્રમ્પે કહ્યું હતું કે મધ્ય પૂર્વના કેટલાક દેશોમાંથી યુએસ લશ્કરી કર્મચારીઓને પાછા ખેંચી લેવામાં આવી રહ્યા છે કારણ કે ત્યાં રહેવું જોખમી બની શકે છે.
