અમેરિકાને સમૃદ્ધ બનાવી રહ્યા છે ભારતીયો; ઈમિગ્રન્ટ્સ બિલિયોનર્સની યાદીમાં ઈઝરાયલ, ચીનથી પણ આગળ, કયા દિગ્ગજ છે તે જાણો

• યાદીમાં 12 ભારતીય, 11 ઈઝરાયેલી તથા 11 તાઈવાનના મૂળના નાગરિકનો સમાવેશ

Forbes 2025 Indian Immigrant Billionaires: ફોર્બ્સ (Forbes List) દ્વારા જાહેર કરવામાં આવેલી ‘અમેરિકાના સૌથી સમૃદ્ધ ઈમિગ્રન્ટ્સ 2025 (America’s Richest Immigrants 2025)’ની 125 વ્યક્તિની યાદીમાં 12 ભારતીય મૂળના નાગરિકનો સમાવેશ થાય છે. આ યાદી પ્રમાણે સાઈબર સિક્યુરિટીના દિગ્ગજ અને Zscalerના CEO જય ચૌધરી અમેરિકા(Jay Chaudhry)માં સૌથી સમૃદ્ધ ભારતીય-અમેરિકી(Indian-American) વ્યક્તિ છે. જેમની કૂલ સંપત્તિ 17.90 અબજ ડોલરથી વધારે છે.

ફોર્બ્સ 2025 અહેવાલ (Forbes 2025 Report)
ફોર્બ્સ 2025ના અહેવાલ પ્રમાણે આ વર્ષની યાદીમાં ગુગલ (Google) પેરેન્ટ કંપની અલ્ફાબેટના CEO સુંદર પિચાઈ, માઈક્રોસોફ્ટના વડા સત્ય નડેલા અને પાલો ઓલ્ટો નેટવર્ક્સના CEO નિકેશ અરોડાનો સમાવેશ થાય છે. અલબત સૌથી વધારે ચર્ચા તો 65 વર્ષના જય ચૌધરીની છે, જેમણે અમેરિકામાં જઈને સાઈબર સિક્યોરિટી કંપની Zscalerની સ્થાપના કરી અને આજે તેમની સંપત્તિ 17.9 અબજ ડોલર છે.

ભારતીયોની સંખ્યા ઈઝરાયલ, ચીન કરતાં વધારે (number of Indians is more than Israel, China)
ફોર્બ્સની આ યાદીમાં 12 ભારતીય, 11 ઈઝરાયેલી તથા 11 તાઈવાનના મૂળના નાગરિકનો સમાવેશ થયો છે. જ્યારે 9 જેટલા ચીની મૂળના નાગરિકનો સમાવેશ થાય છે.

ઇલોન મસ્ક સૌથી સમૃદ્ધ ઈમિગ્રન્ટ (Elon Musk is the richest immigrant)
ઇલોન મસ્ક (Elon Musk)નો જન્મ દક્ષિણ આફ્રિકામાં થયો હતો અને કોલેજ સ્ટુડેન્ટ તરીકે કેનેડાથી અમેરિકા આવ્યો હતો. ફોર્બ્સ પ્રમાણે ગૂગલના સહ-સ્થાપક સેર્ગેઈ બ્રિન(Sergey Brin) બીજા સૌથી ધનિક ઇમિગ્રન્ટ છે, જેમની પાસે અંદાજે $139.7 બિલિયનની સંપત્તિ છે. અમેરિકા (અને વિશ્વ)ના 10 સૌથી ધનિક લોકોમાંથી ત્રણ ઇમિગ્રન્ટ્સ છે.